ВО МАРТ 2010 ГОДИНА СТАРТУВА ИЗДАВАЊЕТО МАКЕДОНСКИ ПАТНИ ИСПРАВИ ВО ДИЈАСПОРАТА 1.3.2010 - Соопштение на Владата на Република Македонија Владата на Република Македонија од март 2010 година започнува со реализација на активности, чија што цел е олеснување на можноста за нашите државјани кои што живеат во САД, Канада, Австралија и Европа, да се стекнат со новите македонски биометриски патни исправи. - Сите македонски државјани кои се заинтересирани да поднесат барање за издавање на македонска биометриска патна исправа, потребно е најдоцна до 1 март 2010 година да го пријават својот интерес во дипломатско-конзуларните претставништва на Република Македонија во Детроит,Чикаго, Њујорк (САД), Канбера, Мелбурн (Австралија), Торонто (Канада), Бон (СР Германија) и Венеција (Италијанска Република). АМБАСАДА НА РЕПУБЛИКА МАКЕДОНИЈА ВО ШВАЈЦАРСКА КОНФЕДЕРАЦИЈА Број : 04-03- До :
По повод престојниот национален филмски Фестивал, кој ќе се одржи од 21-28.01.2010 година, во градот Солотурн, информираме дека на истиот ќе се прикаже филмот “Војната заврши” (Lufta mbaroi), од македонскиот продуцент и режисер Митко Панов, кој е номиниран во две наградни категории на фестивалот и тоа за:
Филмот на овој фестивал ќе има 2 продукции и тоа:
Напоменуваме дека на втората проекција ќе биде присутен Амбасадорот Рамадан Назифи и преставници на Амбасадата на РМ во Берн. Ќе биде особено задоволство ако што поголем број на членови од вашето здружение присуствуваат на оваа манифестација. Во прилог го испраќаме линкот на кој ќе може да резервирате карти, како и кратката содржина на филмот. Амбасада на РМ во Берн Резервациите на билетите ќе треба да се направи, што е можно побрзо преку одговорниот Даниел Фукс (dfuchs@solothurnerfilmtage.ch). Повеќе информации за фестивалските проекции ќе може да се најдат на фестивалските сајтови: http://www.solothurnerfilmtage.ch/home/page.aspx?page_id=1661 Почитувани, Владата на Република Македонија, ја разгледува можноста за основање Хокејарска репрезентација на Македонија. Агенцијата за иселеништво на Република Македонија е задолжена да направи истражување за можноста за ангажирање на хокејарски професионални играчи, со потекло од Македонија, кои настапуваат во хокеарските клубови во САД, Канада, Руската Федерација, Австрија, Чешка, Словачка, Данска, Норвешка, Шведска, Финска, Словенија, Германија и Србија.
Министерството за Надворешни Работи на Швајцарија прими делегација на Заедницата на Македонските Друштва во Швајцарија Берн – 18.05.2009, Г-инот Амбасадор Christoph Meuwly – Шеф на кабинетот за надворешни врски во Европа при Министерството за Надворешни Работи на Швајцарската Конфедерација, прими трочлена делегација на ЗМД. За време на едноиполчасовната посета воглавно се зборуваше за спорот на името на Реп. Македонија и за организацијата на македонската дијаспора во Швајцарија.
Трочлената делегација, во состав на Македонка Мајер – претседател на ЗМД, Величе Јорданоски – секретар на ЗМД и Ванчо Стојанов – потпарол на ЗМД, откако даде излагање за Заедницата на Македонските Друштва во Швајцарија и нејзиното работење, во име на македонската дијаспора во Швајцарија изрази незадоволство заради бојкотот на Македонија од страна на нејзиниот јужен сосед за влез во ЕУ и НАТО и апелира до Владата на Швајцарија за признавање на Реп. Македонија под нејзиното уставно име и подршка за влез во ЕУ. Г-инот Амбасадор Meuwly изрази разбирање за проблемот на Реп. Македонијаза за и незадоволството на македонската дијаспора во Швајцарија и рече дека во билатералните врски помеѓу Реп. Македонијаи и Швајцарија, Швајцарија веќе го користи уставното име на Реп. Македонија. Според официјална Швајцарија спорот заради името не треба да биде пречка Македонија и понатаму да чекори во исполнувањето на условите за прием во европската унија. Тој верува дека Обединетите нации се на пат кон изнаоѓање решение за овој проблем, но тоа може понекогаш да изискува подолго трпение, изјави шефот на Кабинетот за Европа Амбасадорот Christoph Meuwly. Неодамнешната средба на Министрите за Надворешни Работи на двете земји – Micheline Calmy-Rey и Антонио Милошоски, како и билатералните односи помеѓу Македонија и Швајцарија, беа исто така дел од разговорот на посетата. По повод претседувањето на Швајцарија со Европскиот Совет од ноември 2009 до мај 2010, а кое што веднаш потоа ќе биде превземено од Македонија, Швајцарија понудила интезивирање на врските помеѓу двете земји. СООПШТЕНИЕ Агенцијата за иселеништво ги известува сите ученици од основно и средно образование кои живеат надвор од Македонија и се потомци на иселеници од Македонија, а се заинтересирани за учество на Летната школа за македонски јазик, дека оваа година по втор пат ќе се одржи Школата. (e - mail) и да ја достават до violeta@minisel.gov.mk
Школата ќе се одржи во 2 (два) циклуса: ПРВИОТ ЦИКЛУС (за наставници) 28 - 31 јули (на 31-ви заминување) ВТОРИОТ ЦИКЛУС (за ученици) 03 - 09 август (на 9-ти заминување) Сместувањето на учесниците и одржувањето на школата е во Конгресниот центар на Универзитетот „Св Кирил и Методиј“ во Охрид (лоциран на брегот на Охридското езеро во близина на населбата Лагадин, до хотелот Метропол). Трошоците за сместување се на товар на учесниците и изнесуваат: Се молат учесниците во најкус можен рок да достават пополнета пријава со што ќе го потврдат своето учество. Истата е дадена на интернет страницата на Агенцијата за иселеништво: Одбележување на Патрониот празник Баар 22 и 23 мај Во рамките на прославата на патрониот празник, Македонското друштво Св. Кирил и Методиј во Баар, организираше и попратна манифестација насловена:
Во дводневната програма, посетителите имаа можност да ја проследат изложбата на фотографии од Македонија, да видат по неколку дела на Македонски уметници кои живеат во Швајцарија, да се восхитуваат на изведбата на Македонските ора од страна на женската играорна група “ВЕЗИЛКА“ под водство на Г-динот Тошо Спасов и настапот на драмскиот уметник а воедно и автор на монодрамата «Тука живее Т.Т. еден ауслендер од Македонија» За специјалитетите од Македонскта кујна се погрижија жените, членови на нашето друштво, а секако не недостигаше и вкусната скара и Македонските вина. Известување Следните конзуларни денови ќе се одржат по следниот план и редослед: Сабота, 06.06.2009 од 12 - 16 часот во Муралто - Via Municipio 5, 6602 Muralto Средба на Министерот за Надворешни Работи на Реп. Македонија Антонио Милошоски со Министерката за Надворешни Работи на Швајцарија Мишлин Калми-Ре
Амбасадата на Реп. Македонија во Берн известува дека Министерот за надворешни работи на Република Македонија, г-нот Антонио Милошоски, на 4 мај 2009 година официјално ќе ја посети Швајцарската Конфедерација и ќе има разговори со Министерката за надворешни работи на ШК, Мишлин Калми-Ре. Во рамките на посетата, МНР Милошоски во недела на 3. мај ќе го посети објектот во изградба на црковниот храм „Св. Наум Охридски“ во Триенген, кантон Луцерн. Со цел заштеда на краткото време на посетата, а со оглед дека објектот се наоѓа во географскиот центар на Швајцарија, министерот Милошоски долгоочекуваната средба со представниците на асоцијациите (клубови,црковни општини и исламски културни центри) во кои членуваат државјани на Република Македонија со постојан престој во Швајцарската Конфедерација, ќе ја оствари во недела на 03.05.2009 година, во 19 часот, во помошните простории на Црковната општина „Св. Наум Охридски“ - Триенген, Gieslerstr. 9
Еден за сите - Ѓорге Иванов е новиот Претседател на Република Македонија
Цуг, 06.04.2009 - Вториот круг од локалните и претседателските избори помина вчера без поголеми инциденти и во демократска атмосфера јавуваат медиумите од Македонија. Кандидатот на ВМРО ДПМНЕ Ѓорге Иванов со речиси двојно мнозинство на гласови победи на четвртите избори за претседател на Република Македонија. Заедницата на Македонските Друштва во Швајцарија – ЗМД-Ш му го честита изборот Заедницата на Македонските Друштва во Швајцарија – ЗМД-Ш исто така им ги честита изборите и на новоизбраните градоначалници и советници ширум Македонија. Заедницата на Македонските Друштва во Швајцарија одржа Генерално Собрание На 29.03.2009 год. во просториите на МПЦ Св. Наум Охридски од Триенген Заедницата на Македонските Друштва во Швајцарија - ЗМД-Ш одржа Генерално Собрание.
Меѓу многубројните делегати на македонските друштва и асосијации и делегати на почесните членки - црковните општини од Триенген и Тичино, учество во состанокот зедоа и почесниот гостин Неговото Високо Преосвештенство, Митрополитот Европски Владиката Г-ин Пимен како и почесните гости од Македонската Амбасада на РМ во Берн Г-инот Амбасадор Јасмин Ќахил, Конзулката Г-ѓа Славка Јовановска и Секретарката Г-ѓа Слободанка Штерјоска Во извештајот на претседателката за активностите во 2008 год. главно место зедоа излагањата за мирните демонстрации за името на Реп. Македонија во Женева пришто беше примена делегација на Организациониот Комитет во Обединетите Нации, учество во фудбалскиот турнир Корени во Охрид – подржан од Владата на Реп. Македонија како и од Фудбалската Федерација на РМ и Агенцијата за Млади и Спорт на РМ и средбата на македонските здруженија и асосијации по покана на Амбасадата на РМ во Берн. Од особено значење во 2009 год. ќе бидат активностите средба на делегација на ЗМД-Ш со претставници на Министерството за Надворешни Работи на Швајцарија, координација на организацијата за заеднички концерт на КУД Мирче Ацев од Скопје и организација на фудбалски турнир. Се молат сите заинтересирани за активности од поголем карактер да ги доставуваат своите предлози на разгледување до раководството на ЗМД-Ш. Наместо воведување на членарина, активностите на ЗМД и понатаму ќе бидат спонзорирани од поголемите друштва кои располагаат со финансиски средства, беше одлуката по предлог на повеќе друштва. Како главна причина за тоа беше констатацијата дека помалите друштва и асосијации не располагат со сопствени финансиски средства. По официјалниот дел на состанокот следеше посен ручек организиран од жените на ЗМД. Благодарност од раковотството на ЗМД до сите учесници на состанокот, до ЦО Св. Наум Охридски за просторијата во која што се одржа состанокот и до жените кои ја организираа посната трпеза.
Триенген 29.03.2009 Заедницата на Македонските Друштва во Швајцарија – ЗМД ќе одржи Поради спортскиот натпревар помеѓу: РК Меалург од Скопје и Амицитиа од Цирих, состанокот ќе се одржи во 12 ч наместо во 13 ч. За Вашето присуство и соработка однапред Ви благодариме. Со почит од Управниот Одбаор на ЗМД Почитувани сонародници Амбасадата на Реп. Македонија во Швајцарија известува дека, по прекинувањето на издавање пасоши во амбасадите на РМ во април 2007 год. (причина беше процедурата со биометриските податоци) постои повторно можност за поднесување барање за издавање пасоши во некои амбасади на РМ меѓу кои што е и амбасадата на РМ во Берн. Дипломатско-конзуларните претставништва каде што можат да се поднесат барањата, добија инструкции пробно да почнат да собираат податоци за државјаните на РМ кои би поднеле барање за издавање пасоши во овие ДКП-а Мобилната екипа на РМ ќе престојува во Амбасадата во Берн Само врз основа на позитвно исвестување од МВР за секое барање поединечно, Амбасадата ќе го потврдува терминот и точниот час за доаѓање во Амбасадата. Без потрврден термин од Амбасадата странките не треба да доаѓаат, бидејќи или квотата за тој месец е исполнета или според известувањето на МВР не се исполнети некои законски услови за издавање нов пасош (неутврден државјански статус, непријавен брак - промена на презиме, во меѓувреме сторено кривично дело и сл.) Рокот за пријавување (по факс или телефонкси) за првата посета на мобилната екипа е понеделник 23.03.2009 год. По исполнувањето на квотата од 60 подносители на барања, нема да се земат во предвид понатамошните барања и тие ќе бидат ставени на листата за следната посета на мобилната станица во Берн. За повеќе информации како можете да го доставите Вашето барање, Ве молиме да кликнете овде КОНЗУЛАРНИ ДЕНОВИ
Да, можеме!
Цуг, 05.11.2008 - Денес, по 140 години од граѓанските војни - коишто впрочем и отпочнаа заради укинување на ропството, САД избраа нов претседател. За првпат афроамерикански граѓанин. Еуфоријата со бранот Обама го зафати целиот свет, не само Америка и не само граѓани со темна кожа. Мотото на идниот претседател „Да, можеме!“ или послободно преведено „Ќе успееме!“ (Yes, we can) како волшебна сила ги опфати луѓето, ги обедини, влеа надеж, направи непознати да се прегрнуваат од радост. Трогната од овој историски момент, размислувам и се прашувам себе си, каде сме ние, каде е Македонија. Ќе имаме ли и ние еден ден еден Обама, или веќе сме го имале, а не сме го препознале. И тоа неколку пати. Твоето Денес е твоето Утре, ако сакаш да си ја знаеш иднината, види си го минатото, прочитав некаде во една мудра книга. И еуфоријата се претвори во тага. Зарем и понатаму ќе дозволуваме да нè советуваат, да ни ја кројат судбината, да нè распарчуваат? Не им замерувам на оние на кои не им е важно дали Македонија ќе постои или не. Ниту им замерувам на оние, кои сакаат да распарчуваат. Право на слободна мисла има секој. Но, не и слобода за секое дело. Порано јунаците се мереле на мегдан. Победувал еден, а многумина ја споделувале победоносната радост. Па, Дами Господо, барам и јас јунаци. Не за мегдан. Барам јунаци кои имаат храброст да речат: Јас сум за единство на македонската дијаспора во Швајцарија, за единство на Македонците воопшто. И тоа да го поткрепат со дело! Која причина би била толку голема што би била пречка за тоа? Не познавам ниту една! Можеме да се обединиме? Да, можеме! Yes, we can! Со почит, Македонка Мајер
|
Името на мојата земја е Република М а к е д о н и ј а
и ќе биде Република Македонија!
